لعبة الصراحة

بفكر فى اللى حصلى فى اليوم كله

ممكن تغلط فى حد لو انت مدايق او تتعصب عليه بدون ذنب؟؟؟

احتمال
متى بتضايق

لما الاقى حد ميقدرنيش او لما حد يزعلنى

ايه الحلم اللى نفسك تحلم بيه ؟؟

نفسي احلم اني ماشية مع الانسان اللي بحبه ع البحر في وقت الشروق
احلى وقت

ايه اكتر حاجة ممكن تشدك في الشخص اللي قدامك؟؟؟؟؟؟؟؟؟

اسلوب تعبيره عن نفسه

ايه اللى انت بتفكر فيه دلوقتى

فى حد معين

نفسك فى اية؟؟؟؟؟؟؟؟

نفسى اقعد مع فاطمة صحبتى العمر كله

ايه مواصفات فتاة احلامك؟؟ او فتى احلامك؟؟

انها تكون محترمة وجميلة من جوها تكون بتحبنى وباحبها نكون متفاهمين واكون اهم حاجة فى حياتها

نفس السؤال؟؟؟؟؟؟؟؟؟؟

يكون متدين وراجل يعرف يتحمل المسئولية ويكون

شهم وجدع وذوق وكريم وشيك وعاقل وبشوش

واهم حاجة التفاهم ما بينا والاتفاق

وكمان يكون مخلص وصادق 0000 الخ الخ

ومفيش انسان كامل الكمال لله وحده سبحانه وتعالى

اللى بعدى بردو نفس السؤال

انه يكون
1-ابن حلال ويعرف ربنا كويس.
2-يقدر قيمتى و يحترمنى و يحترم احساسى.
3-يقدر يفهم شخصيتى كويس ويراعى ان شخصيتى غريبة.
4-انه يكون بيحبنى بجد و يحافظ عليا و يحمينى حتى من نفسه.
و دول بس اللى فكرت فيهم ناو.

ايه اكتر حاجة ممكن تخليك تخسر صحبك او صحبتك؟

امممممممممممممم

انا ممكن ازعل من واحدة صحبتي مثلا
بس صعب اخسرها لان انا بقدر الصداقة جدا جدا

بس لو هيا مثلا خانتني او عملت فيا موقف مش كويس
و هيا اللي كانت عايزة تخسرني
ساعتها انا هقولها مع السلامة باي باي

الصداقة بتعنيلك ايه؟؟؟؟؟؟؟؟؟

بتعنيلى كل حاجه ف حياتى واهم حاجه ومعرفش لعيش من غيرها

لأن الواحد اللى ملوش اصحاب واصدقاء خصوصا لما يكونوا متفاهمين مع بعض خالص وبيحبوا بعض خالص

تلاقيه منطوى كدا وفى ناس كدا فعلا بس انا بقولهم انهم لازم يفكوا عن نفسهم شويه ويحاولوا يتصاحبوا وكدا

مصر بتمثلك ايه؟؟؟؟؟؟؟؟؟

لا يظهر هذا المعنى الى فى الشدائد والمحن فمصر هى الوطن والامان

لغة العيون بتمثلك ايه؟؟؟؟؟؟؟؟؟؟؟؟

احلى لغة بصراحة بس احيانا بيبقى صعب تفسيرها او ممكن الواحد يفسرها غلط وهو دا عيبها

ايه رايك فى الحب؟؟؟ وتقدر تعيش من غيره؟؟

كنت بقول كلام فاضى بس لم الواحد بيجربه بيقول يريتنى مشفت الشخص اللى حبيته ده

لكن الحب نعم كبيرمن عند ربنا

واللى حبنا حبيناه وسار متاعنا متاعه
واللى كرهنا كرهناه يصعب علينا اجتماعه

ومحدش يقدر يعيش من غير الحب

الاخ بيمثل ايه لاخوه.......

........................................الاخ اكيد بيمثل كل حاجة بالنسبة لاخوة
اية اكتر حاجة بتتمناها او بتتمنيها فى حياتك؟

أتمنى الوحدة العربية والعودة لتقاليد الدين الصحيحة .
وده طبعا مش حيتحقق الا لو كل انسان صلح من نفسه .
نفس السؤال :
اية اكتر حاجة بتتمناها او بتتمنيها فى حياتك؟

انى اخلص دراستى بتفوق
و ابقي دكتورة شاطرة

مين اكتر حد قريب ليك

سؤال صعب جدا بس بجد معرفش؟؟؟؟

لو معاك او معاكى اخ او اخت هتنصحه او تنصحيه يدخل هندسة قنا؟؟؟؟؟؟؟؟؟؟؟

لا طبعا متمناش احنا دايما بيقولولنا اننا محظوظين بس محدش عارف حاجة
لما تزعل من صاحبك تصارحة ولا تخبى علية؟

انا مش هقولة بس هو اكيد هيحس انى زعلان منة
لو بتحب او بتحبى حد تقدر او تقدرى تقليله او تقلها؟

دا المفروض لان من حقه عليك انه يعرف و بالنسبه ليا اقدر بس هى محتاجه جرأه شويه
ايه صفاتك من وجهه نظرك؟؟؟؟؟؟؟؟؟؟؟

سؤال طبعا صعب الاجابة علية علشان انت متقدرش تحكم ع نفسك
اية رايك فى الحب؟

مهم طبعا في الحياة
و انا عن نفسي مقدرش اعيش من غير ما احب الناس اللي حواليا
و لو مش بحبهم مش هقدر اتعامل معاهم

و لو الحب بين شخصين
هقولك انه مهم كمان
بس اهم حاجة يكون بجد

ايه الحاجة اللي خلت دموعك تنزل؟

حاجات كتير مش عايز اتكلم عنها

ايه الشىء اللى لما تشوفه اوتشوفيه تهربى منه وليه؟؟؟؟؟؟؟؟؟؟؟؟؟؟؟؟؟؟ لعبة الصراحة - صفحة 3 466515

المشاكل لاني بحب الحياة تكون هادية ومستقرة
ايه الحاجة اللي لو حد عملها فيك مستحيل تسامحه ولو سامحته عمرك مهتنسهالو
؟؟؟؟؟؟؟؟؟؟

الكدب محبش حد يكدب على يعنى بمعنى اصح محبش حد يقرطسنى

ايه اللى بيتعمل قدامك يخليك او يخليكى سعيده ومبسوطه؟؟؟؟؟؟؟؟؟؟؟؟

اني اشوف اعز انسان على قلبي مبسوط و مرتاح و كويس
و مش شرط هو يقدر كدة ولا ميقدرش

اهم حاجة عندي اني اشوفه مبسوط علطول
دي اكتر حاجة بتفرحني

السعادة بتعنيلك ايه؟؟؟؟؟؟؟؟

كل حاجة فى حياتى واهم حاجة
مقدرش اعيش من غيرها

كم مرة حبيت ؟؟ وحب حيقى ولا؟؟

اذا كان المقصود الحب بين اثنين محبيتش .
لكن عامة بحب بلدى .
هل أنت / انتى بتقدر/ى الحب ؟

بقدره كتير بس بعمله الف حساب عشان معملش حاجه اندم عليها طول عمرى

ومحبش ان الحب ده يحطنى موضع شبهات ويخلى الكل بيتكلم عليا

ايه الزمن اللى تحب او تحبى انك تكونى فيه؟؟؟؟؟؟؟؟؟؟

اتمنى اعيش فى عصر الخلفاء والانبياء لان الناس فية كانو صادقين والبنات فية كانو اكثر احترام وطبعا مكنش فى شات وحاجات تانية كتير
اية رايك فى الكلام دة؟

انا اوافقك الراى فى الجزاء الاول بس فى الجزاء التانى بقولك ان اللى كانوا موجودين فى الزمن ده دول مش بنات

دول امهات وسيدات طاهرات عظيمات غير كده ففى كل زمان ومكان يوجد الشخص المحترم والغير ذلك

سواء بنت او ولد اما بنسبه للشات فهو ده لغة العصر والتكنولوجيا فى ناس بتستخدمه صح وناس بتستخدمه غلط

يعنى بصراخه الجزء التانى مش عاجبنى

ايه رايك فى حياتك يا ترى فيه شىء غلط عايز يتصحح؟؟؟؟؟؟؟؟؟؟؟؟؟

هههههههههههههههههههههه
ايه اللي فيها صح اصلا دي كلها عايزة تتغير بس كلها حاجات مش بايدي انا بعمل اللي بقدر عليه

بتتفرج ع ايه ف التلفزيون
؟؟؟؟؟؟؟

البيت بيتك وكل الافلام والمسلسلات الاجنبية بس

من انت؟

انا انسان يعيش ويتعايش
ما مدى قدرتك على التسامح؟

قدرتى على التسامح كبيرة مع معظم النا س لكن بعض الناس لا أستطيع مسامحتهم ولا أعرف لماذا
نفس السؤال :
ما مدى قدرتك على التسامح؟

احيانا بتكون كبيرة جدا

واحيانا ماقدرش اسامح اساسا

بتحب ولا؟؟

ولا

ايه اول حرفين من اسم حبيبك او حبيبتك؟؟

لا كده ومقدرش اتكلم وسيبى الطابق مستور لعبة الصراحة - صفحة 3 544485

ايه اول حرف من اللى بتكرهه او بتكرهيه؟؟؟؟؟؟؟؟؟

» لعبة توم وجيري
» لعبة لو حد قالك
» لعبة كداب او مش كداب
» لعبة مقياس الحب .
» العب اون لاين لعبة القفاز