احكى و فضفض

موضوع جميل جدا بس محدش بيرد عليه هبدا انا وهفضفض
اما انا فى شدة الضيق من الكليه لسه حاسس انى فى مدرسه نروح الكليه الساعه 8 صباحا

ونسمع نفس الكلمتين ونرجع مش عارف ليه الحياه فى الكليه ممله مفيش حد تقعد تتكلم معاه بواقعيه فى الكليه دى حاسس

ان الكل بيضحك على بعضه وبيكدب على نفسه مفيش عمل جماعى نتعاون فيه لما تتكلم عن موضوع ممكن نعمله فى الكليه

تلاقى الكل بيضحك عليك ويقولك انت فاكر دى كليه ولا ايه- يعم بطل الكلام ده

حاسس انى هطلع مش فاهم حاجه الواحد يزاكر اللى فى المذكره ويدخل الامتحان وينجح

ويكون معملش حاجه عملى كل شغله تخيل وينساهم بمجرد خروجه من الا متحان؟؟؟؟؟؟؟؟؟؟

بنرسم حاجات فى الرسم مش عارفيين ايه هى ولا عمرنا شفناها يعنى بنرسم عشان ننجح وخلاص

المفروض الكليه تكون غير كده هقولكم المفروض تكون ايه بس اسمع ردودكم

خلاص كده النهارده عايز اشوف رددكم وهتكلم عن المشكلات الموجوده فى الكليه وخصوصا الموجوده بين الطلبه

مشكلتنا ان احنى معندناش حماس عشان نعمل حاجه احنى نقدر نغير كتير بس لو بطلنل موضيع الاطفال اللى احنا بنعملها مع احترامى

للجميع ومحدش يفهمنى غلط

يلا سلام عشان اتكلمت كتير

عندك حق يا بشمهندس

الكلية مش اد المستوى
و دايما الواحد كان بيقول انه في الكلية هيدرس و هيفهم
و كمان هيشوف عملي

بس الواحد اتصدم بالواقع اللي قابله لما دخل الكلية
يا بشمهندس حضرتك بتكره الكلية عشان الدراسة بس
انا عن نفسي بكرهها جدا جدا جدا
لاني بقابل كمية مضايقات غير معقولة
من ناس اصلا انا مش باجي جنبها ولا ليا علاقة بيها

يعني من الاخر بكره الكلية من كل النواحي
و الحاجة الوحيدة اللي مصبراني اني بشوف اصحابي
اهي حاجة بتمشي الامور
و كمان عندي امل و بقول بكرة ممكن الظروف تتحسن

ربنا معانا و معاك يا بشمهندس

أعتقد أن لدى حل لمشكلة العلاقة المتوترة بين الأولا والبنات اللى فى الكلية وهو
المشاركة فى الأنشطة والرحلات وهذا يفتح الحوار بين الطلاب بعيدا عن الدراسة والتوتر ويكون بينهم تعاون ايجابى للنجاح فى النشاط .

اه بالنسبة للعملى نحاول اننا نطلب من العميد د / عارف زيادة المعامل و الوقت المخصص للعملى لكن المشكلة مين اللى يقوله .
ويمكن الإعتماد على النفس أو أصدقائنا للفهم وزيادة التحصيل هو الحل دون مساعدة الكلية .
فيمكن للأصدقاء أن يساعدوا بعضهم لتكملة المحارة أو السيكشن وفهمها كما يحدث .
لا أعرف حلول أخرى دلوقتى بس حفكر تانى .

شكرا للجميع ولكل مين شاركنى فى هذا الحوار وانا هتكلم عن المشكله من اولها

الموضوع ابتداء فى اول يوم دخلنا فيه الكليه كانت لغة الحوار والنقاش جيده جداااا وكان المهندس يسال زميلته بكل احترام

لكن بعد ايام من الدراسه بداا بعض الناس يفتخروا انهم بيكلموا اى بنت من الكليه بكل وضوح ودون كسوف يعنى ظبط بنت

وميكلمهاش على الموبيل الا لم حد من اصدقاه يكون جنبوه عشان يبين لصحبه انه هو الوحيد اللى عرف يظبط البنت دى

وعمنا الصديق ده يجرى يحكى لصحابه عن اللى حصل وعن كل الكلام اللى تقال والكلام ينتقل من سكن الى سكن

ويتغير الكلام ويتحول بقدرة قادر الى كلام تانى خالص ويوصل الكلام للبنت وتعرف ان الكل بيتكلم عليها

ويجيب فى سيرتها فتعمل ايه غير انها متكلمش حد من الكليه خالص وده اللى كانت هتعمله اى بنت فى مكانها

هو ده اللى حصل واللى عمل الفجوه الكبير والحرب الموجوده بين الطلاب والطالبات

لدرجة ان الطالب الولد يخاف يكلم زميلته ويطلب منه شىء عشان الكل هيتكلم عنه

احنا وصلنا لدرجة ميؤس منها بسبب شغل الاطفال اللى احنا عملناه

انا مبتكلمش عن حد محدد عشان محدش يزعل انا بتكلم عن اللى حصل مع معظم الناس وحصل معايا برده

والسبب فى كل ده هو وقت الفراغ الكبير الوجود اللى بخلى الكل يجيب ويتكلم عن بعضه عشان كده احنا ممكن نملا الفراغ ده

عشان محدش يتكلم عن حد والله وانا بحلف ان كل المهندسات الموجدين فى الكليه محترمات

والا لو غير كده مكنوش دخلوا هندسه من اساسه

المفروض نكون على قدر اللقب اللى اخدناه وهو مهندس ولو غير كده يبقى مفيش فرق بينا وبين خدمه اجتماعيه

مع احترامى للخدمه اللاجتماعيه يعنى احنا لازم نقدر كلمة مهندس وان زميلته دى مهندسه ونبدا صفحه جديده

بين بعضنا وننهى الحرب الدائره ونبطل نتكلم عن بعض ونجيب فى سيرة بعض يا جماعه دا احنا هنقضى 4سنين مع بعض

مينفعش نقضيهم فى الكلام الفارغ وشغل العيال وانا احنا نتكلم عن بعض عشان كده لازم ننسا اللى حصل ده ونبدا صفحه

جديده من التعاون والعمل الجماعى ويريت محدش يزعل انا اتكلمت بكل وضوح عن المشكله واسبابها وده

المفروض عشان الكل يعرف السبب ويعالج من نفسه انا طولت فى الكلام وعايز اشوف ردودكم

كلامك تمام خالص يا بشمهندس

و عندك حق في كل كلمة قولتها
بس في نقطة عايزة اوضحها لحضرتك
ان اللي بيعمل الشغل ده و حوار الحكاوي و النميمة هما الاولاد
و احنا عمرنا ما جينا جنب ولد ولا دايقناه ولا اصلا حتى فكرنا ناخد بالنا منه

ده غير ان الاولاد بيتكلموا على اي بنت لو حتى بصت لولد
مش كلمته
مع ان هيا ممكن تكون مش باصة عليه اصلا و هما اللي يكونوا فاهمين غلط
و يفضلوا بقى يالفوا في الكلام
و ينشروا هنا و هنا و اصلا كلامهم مش بيبقى ليه اساس من الصحة

على العموم اللي مفروض يتعمل مع الناس دي ان احنا نحسسهم ان هما منبوذين
و طبعا الدور ده مفروض الاولاد يعملوه مش احنا

و شكرا يا بشمهندس لكلامك
بجد عندك حق في كل كلمة

[right]كلام معقوووووووول جدا من ححضراتكم وأتمنى أن الكل يعمل بيه ويأخذه على محمل الجد
وربنا يهدى الكل وياريت الناس تبدأ تكلم بعضها عادى بإسلوب أخوى .