يعني ايه صداقة

ده موضوع مهم جدا وبنشوفه كتير في حياتنا اليومية وعايزة اعرف رايكم فيه
هل الصاحب المفروض يعرف كل حاجة عن صاحبه الصغيرة قبل الكبيرة زي ما بيقولو بمعني ان الصداقة بتتقاس بمدي معلوماتي عن صاحبي؟؟
ولا الصداقة مش كده خالص .. طب تبقي ازاي؟؟
طب ينفع اتنين يكونو اصحاب وهما ميعرفوش عن بعض غير الاساسيات؟؟
طب لو اتنين اصحاب وواحد حصلت معاه مشكلة او موقف او اي حاجة ومقلهاش لصحبه وفضل مخبيها وصاحبه التاني اكتشف انه كان مخبي عنه الحاجة دي . وزعل منه وعملها مشكلة. يبقي عنده حق ولا صاحبه اللي عنده حق ؟؟؟
طب ايه رايكم في الصداقة الجماعية بمعني ان جروب يبقو كلهم اصحاب وعارفين كل حاجة عن بعض ؟؟
وطبعا عارفين مشاكل الجروبات دي وانا عن نفسي مريت بيها ان واحد مثلا يحصل معاها حاجة يروح يحكي لواحد بس وميحكيش لباقي الجروب . هو كده يبقي غلط وخان بقية اصحابه؟؟ وكان لازم يحكي للكل ؟؟
لو اكتشفت ان واحد صحبك وبتثق فيه وبتحكيله كل اسرارك مطلع اسرارك دي بره . طبعا هتتصدم طب وبعدين هتعمل ايه؟

ايه الفرق بين صحوبية الولاد والبنات؟
هل صحيح ان الولاد مفيش بينهم صحوبية(او بمعني اصح مفهومهم بيختلف للصحوبية) يعني زي ما بيقولو ان صحوبية الولاد اخرها خروجة وهزار لكن مش بيحكو حاجة لبعض؟؟ ولا العكس
وممكن تكون في صحوبية بين ولد وبنت؟؟
اسئلة كتير وكتير بتدور في دماغي واكيد في دماغنا كلنا عن الموضوع ده
ياريت اعرف ارائكم فيها

بصى يا توتة يا بنتى هو صحيح لازم الصاحب يعرف كل حاجة عن صحبه بس فى ناس بتحب الكتمان يعنى الطبيعى بتاعها انها مش بتحب تحكى فدول ليهم عزرهم طبعا و بعدين كفاية ان الصاحب يبقى عارف الحاجات الاساسية و فى حاجات فرعية مش ليها لزمة اصلا.

و موضوع لو حصل مشكلة فعلى حسب المشكلة نفسها و علىحسب الناس المرتبطة بيهم اللمشكلة
يعنى ممكن تكون المشكلة مرتبطة بيه هو و حد تانى فمش ممكن يحكيهاكدة او ان المشكلة خاااااااااصة موووووووووت و مش ينفع يحكيها لاى حد.
و كدة طبعا مش يبقى عنده حق يزعل.

بالنسبة للجروبات ما فيش انسان فى الدنيا يقدر يحب كل الناس بنفس المقدار فالنفس ميالة فاكيد كل واحدة فى الجروب حتحب واحدة معينة اكتر من التانية و بتطمنلها اكتر فبتحكيلها هىت بس و بعدين ساعات بيبقى فى فى الجروب ناس رغاية و وهوايتهم الكلام على الناس اصلا يعنى كل حاجة تطلع برة فمش لازم تحكى للجروب كله.

ححاول اشوف هو ليه عمل كدة ثيمكن من غير قصد يمكنت وقع فى الكلام بس لو لقيت ان مش فى سبب و ان دى طبيعته اصلا رغاى على الفاضى فطبعا مش ححكى معاه فى اى حاجة تانى مهما حصل.
اما لو كان مطلعها علشان يازينى فينسى انى اكلم معاه اصلا.

بالنسبة لصحوبية الولاد فالله اعلم بس انا عن نفسى مش بشوف اخواتى بيحكو حاجة لصحبهم و لما ابقى ولد حبقى ارد عليكى ههههههههههه.

اه فى صحوبيةبين الولد و البنت بس الصحوبية دى ليها شروط و قواعد لو التزم بيها الطرفين حتكون صحوبية ناجحة

و شكرا على الموضوع ده يا حبى بجد لذيذ.

انا معاكم ان الصحوبيه لازمه طبعا لكن لازم قبل ميختار الصديق الصحيح يشوف صفاته الاول

عشان ميرجعش يندم بعد كدا والكلام دا اكيد حصل مع ناس كتير واتخموا فى ناس كانوا يفتكروا انهم

اصحابهم وهما ولا طلعوا اصحابهم ولا طلع عنديهم أى وفاء خالص ودا حصل معايا انا شخصيا كمان

مشكوره يا بشمهندسه عشان فتحتى الموضوع

شكرا لمشاركاتكم وتفاعلكم يا بشمهندسين