ازاى تطفشى خطيبك ياخايبه انتى وهى ....

دى نصيحتى لكل بنت هنا فى المنتدى لو عاوزه تطفش اجدع عريس

لقيتى حبيبك بيقول " يمين " ..

قولى " شمال " ..

حيتخنق ويطفش .. أى خدمة

ألو حياتى وحشانى Happy valentine .. باى باى عشان بابا قاعد

وتقفلى الخط أوف أعمل ايه معاه خلاص مش طيقاه ولا طايقة كل كلامه الحلو.

أقول لك ايه الحل وازاى تخلى ولد يكرهك فى كام خطوة ..

أبسط من البساطة..

لو كان ولد بينك وبينه علاقة حب ملتهبة

لكنك اتخنقتى منه وزهقتى

هنا العملية سهلة جدا

وانتو خارجين مع بعض

هزرى مع سواق التاكسى أكيد هايتضايق وأفورى فى الهزار..

واضحكى بصوت عالى فى الشارع..

واذا عدى بجواركم مجموعة شباب علقى عليهم..

البادى ده حلو أوى وياريت الولد يسمعك احرجيه

وتفهمى من كلامه قدام أصحابكو أو أى حد تعرفيه..

عارضى كل أفكاره

لو كان من أنصار الاتجاه المحافظ تبنى أفكار متحررة

.. ولو أفكاره متحررة تبنى أفكار متشددة

ممنوع تمسك ايدى وحرام تكلمنى فى التليفون.

انما لو كان ولد انتى مش عارفاه يعنى عريس صالونات أهلك اتفقوا معاكى انك تروحى فرح بنت عمة خالة جدة باباه عشان تقابليه هناك ومش قادرة ترفضى كده فى المطلق.. دى فرصتك يامعلمة تكرهيه فيكى من البداية وييجى الرفض منه .. روحى الفرح.. هزرى واضحكى مع كل الناس.. وارقصى فى وسط الفرح شدى المايك من المغنى وهو بيغنى أغنية شبرا وبنات شبرا.. سبتية والحلمية .. حاسب ياعم ومع الاداء طبعا أكيد سيصرف نظر عن الموضوع.. ده غير انه كرهك واستحملى ان أهلك هايتبروا منك.. وخلى أسلوبك فى الحديث معاه كأنك شغالة وفى موقف.. ازيك يامعلم ايه الاخبار يا مان .. وافتكرى ترتدي ملابس ولادى فانكى بعد هذه التركيبة الصياعة واللبس والكلام أكيد هايطفش لكن لو كان أهبل وعجبه كل تصرفاتك فى أول فرصة للكلام معاه قولى له ياعم أنا أبشع حد ممكن تقابله فى حياتك أنا مش بعرف أعمل أى حاجة فى المطبخ ولا حتى البيت وكما أنا كئيبة ومتشائمة ولاحظى انطباعة

ولو لاحظتى انه اتمسك بيكى أكثر ننتقل للخطة الثانية اطلبى أغلى أكل وكمان بكميات كبيرة بذلك هايعرف انك مسرفة كمان مفجوعة

ولو الحكاية دى لم تأت بنتيجة ننتقل للخطة البديلة وهى ركزى نظرك مع أى ولد يمر بجوارك وقولى باعجاب أوف.. أوف.. ياه الولد ده يجنن ياعينى على حظنا الهباب.
دلوقتى أقدر أقولك انك اتكرهتى بالثلث وكل خططك نجحت مبروك اتكرهتى يامعلمة

منقول

يا ساتر يا رب
ليه الاذية دي
والله الولاد صعبانين عليا

احسن احسن يستاهلوا

بس مش كلهم احسن نتضرب معانا ولاد هنا في المنتدى
هما ولاد المنتدى هنا كويسين

ميرسي للمرور يا جميل

نستاهل نستاهل ماشى ماشى

طيب ممكن احنا نعمل العكس ونطفش اجدع عروسه

وهنلاقى غيرها بس هى هتعنز وتقعد فى البيت

لا انت فهمتني غلط
انا قولت ولاد المنتدى كويسين و حلوين
و تمام خالص

ميرسي لمرورك يا بشمهندس

ههههههههههههههههههههههههههههههه

حرام والله

دة اوفر

هههههههههههههههه
خلاص يا عم بقاناها مش حنخطب

هههههههههههههههه

ميرسي للمرور يا راقية

و ميرسي لمرورك يا بشمهندس

يا عينى

يا حراااااام هدى اللعب شوية عليهم يا سمسمة

احسن تلاقى مرارتهم اتفقعت دلوقتى هههههههههههه

تسلم ايدك يا قمر

ههههههههههههههه

ميرسي لمرورك يا قمر

لا يا عم احنا فى المستقبل طبعنا حيبقى انجليزى
متخافوشى علينا وخافو على نفسيكم

ههههههههههههههههههه

و لايهمك يا بشمهندس

و شكرا لمرورك

هما الولاد جايبين كل ده لنفسهم

شكرا لمرورك يا بشمهندس

أنتو بتتكلموا فى حاجات ملهاش أى لازمة دلوقتى .
بعدين ماينفعش الحب من طرف واحد .

بصراحه الموضوع استفزنى جداااااااااا..........ههههههه وحبيت يكون اول مشاركه ليا فى المنتدى الجميل دا هو الرد على هذا الموضوع
لان بصراحه بحب يكون رد الفعل بالنسبه للولد قااااااااااااااسى جدا..........ايوه قاسى... على اسم النبى حارصها!!!......ههههههههه اللى بتفكر ولو على سبيل الهزار انها تعمل 1. من الكلام دا
المهم لازم يظهر شخصيته القويه ويعرفها حدودها طبعا وانها بنت زى اى بنت مش هيموت لو سابته يعنى ويعيش ويدوب فى البنات وانصحه انه يلقنها درس تحلف بيه طول عمرها ويخليها تلف حوليها طول حياتها
احم احم ......امال ايه دول مبيجوش غير بالعين الحمره اسالونى انا ....ههههههههه
تحياتى ...عدو المرأه
هههههههههههههههه

هههههههههههههههههههههههه

يا بشمهندس ان كيدهن عظيم

مهما حاولت انك تلقن واحدة درس
هيا هتتصرف بطريقة من اتنين
ياما هتفوت و تحسسك انك انت فزت عليها و ده هيبقى بمزاجها اسالني انا
او هتردلك الدرس باصعب منه

والله الستات صعبين خلي بالك منهم يا بشمهندس
هههههههههههههههههههههه

طبعا بهزر معاك احسن تزعل مني ولا حاجة
و نورت الموضوع بمرورك

ايه يا باشمهندسة الواحد دمه اتحرق من القراية امال لو حصل ده معاه فعلا هيحصل ايه؟

حب ايه و خطوبة ايه اللى بتتكلموا عليه دلوقتى دى كلية معقدة يعنى لا فيها حب و لا حتى اى حاجة حلوة بس فيها تعب و عزاب

البنات مش لاقية عرسان وانتو عايزين تطفشوهم

موضوع جميل

ههههههههههههههههههه سانكس يا سمسمة بس البنات قلبها طيب و حنين و البنات طبيعتهم الرقيقة و اخلاقهم العليا اكيد جنمنهم من انهم يعملو كدة. ههههههههههه

ميرسي للمرور الجميل ده يا بشمهندسين

وعلى رايك يا لوجي البنات طيبين و قلبهم ابيض و مش بيعرفوا يأذوا حد

ههههههههههههههههههههه

هما لاقيين عرسان عشان يطفشوهم

ميرسى يا سمسم

ارد على البشمهندس محمد واقوله اولا الكليه مش صعبه ومعقده زى ما بتقول بس انت علشان لسا اعدادى فخايف شويه او بمعنى اصح متعودتش على نظام الكليه دا بالعكس بالنسبه ليا الكليه سهله جدا بس تتعامل معاها بنظامها وتفهم نظام الدكاتره وان شاء الله ربنا يوفقك
اما بالنسبه لموضوع ان البنات طيبين وقلبهم ابيض ..........بصراحه مش كلهم دول نسبه ضئيله منهم ويارب يبعد عنا شرهم
على راى المثل اتقى شر الحليم اذا غضب

» قولوا ازاى نطور المنتدى